🔴ســـــــقوط اللواء ٩٠ هيــــــجــــليـــــــج 🇸🇩يدكم على الشيـ ـر تفاصيل... مهمه جداً🇸🇩
🚨 كلام في المضمون عن "هجليج".. عشان ما ندي العـ ـدو انتصارات وهمية في الفيسبوك ساي! 🚨
(بوست طويل شوية، بس لو يهمك تفهم الحقيقة بعيداً عن العواطف.. اقرأ للآخر 👇)
يا جماعة الخير، كثر الكلام واللغط والتحليلات "الفيسبوكية" بعد خبر انسحاب قواتنا من هجليج. ناس تخوّن، وناس تحبِط، وناس شايفة القيادة باعت القضية. خلونا نخت الكورة واطة ونفهم الحاصل بالمنطق، بعيداً عن شغل "الخبراء الاستراتيجيين" اللي بيفتكروا الحـ ـرب دي لعبة ببجي.
⭕️ أولاً: الانسحاب تكتيك وليس هزيمة
قواتنا انسحبت من هجليج بقرار من القيادة ولتقديرات هم أدرى بيها، ونحن ثقتنا فيهم ما بتتهز. الانسحاب تم بدون هجوم أصلاً، فما في داعي ندي "الجنـ جويد" انتصارات مجانية ونروج ليها بإيدنا.
⭕️ سؤال للخبراء: لو كنت مكان القيادة حتعمل شنو؟
للناس البتقول "ليه ننسحب من منطقة استراتيجية؟"، تعالوا نحسبها بمعطيات الواقع، مش بالأماني:
1️⃣ حجم القوة: القوة الموجودة في هجليج (لواء يتبع لفرقة بابنوسة) فعلياً قوامها لا يتجاوز "السرية". دي قوة مهامها الأساسية تأمين البترول والخدمات، يعني ما قوة ضاربة مجهزة لقتال شرس في منطقة مفتوحة.
2️⃣ الأرض والجمهور: للأسف، هجليج تعتبر حالياً منطقة حواضـ ـن للعـ ـدو، وأرض هو حافظ تضاريسها ومداخلها ومخارجها كويس جداً.
3️⃣ الكارثة الأكبر (حقول النفط): دي النقطة الأهم! لو افترضنا الجيش ثبت وقرر يصد الهجوم، هل تعلم يا عزيزي إنو أول اشتباك جادي، أو أول "دانة" طائشة، ممكن تسبب انفجار كامل لحقول النفط؟
ساعتها حتكون النتيجة شنو؟ خسرت قوتك في مهمة انتحـ ـ.ـارية، ودمـ ـرت منشآت البلد محتاجة مية سنة عشان تبني زيها تاني. دي الحكمة؟
⭕️ الحـ ـرب لا تُدار بالعواطف
الواقع بيقول إنو هجليج بالمعطيات دي كان مصيرها السقوط، سواء بانسحاب أو بقتال، وده ما إحباط، دي قراءة للحقائق على الأرض.
عشان كدا، قرار القيادة بالانسحاب والحفاظ على الأرواح والمقدرات هو أسلم حل. أما الناس الشغالة تخوين وتشكيك، بنقول ليهم: أحمدوا الله إنكم ما في غرفة السيطرة، لأن الحرب دي حسابات دموية دقيقة ما بتنفع فيها "الورجغة".
أضف لذلك، أي تدخل للطيران في ضواحي هجليج، العدو ممكن يستغله ويضرب المضخات قاصداً، عشان يدخلنا في إدانات دولية ومطالبات تعويضات من دولة الجنوب، ونحن في غنى عن فتح جبهات زي دي هسي.
🔥 الرسالة الأهم: يا أهل كردفان ودارفور.. الحل بيدكم! 🔥
الرسالة دي للحالمين بتحرير كردفان ودارفور، ونحن معاكم قلباً وقالباً:
التحرير جاي بإذن الله، لكن عمره ما حيحصل بالاعتماد على الجيـ ـش لوحده فقط، أو بانتظار الفرج في البيوت.
🛑 الحقيقة المرة: لن تتحرر مناطقكم ما لم يصطف "أبناء المنطقة الشرفاء" مع القوات المسـ ـلحة. لازم ترتبوا صفوفكم، وتدخلوا المعسكرات، وتتقدموا المتحركات الداخلة كردفان. الخيار التاني إنكم تقعدوا تتفرجوا لحد ما "عرب الشتات" يسكنوا بيوتكم ويهجروا أهلكم للأبد.
🛑 الدرس من الولايات الأخرى: لا الجزيرة، ولا الخرطوم، ولا سنار بدأت تتحرر إلا لما أبناءها اتقدموا الصفوف واستنفروا وكونوا قوات إسناد حقيقية. الجيش، حتى لو عنده قوة ضاربة (زي الكانت في المحور الشرقي للجزيرة لمدة سنة)، محتاج السند الشعبي، محتاج "ابن الأرض" الواطي الجمرة.
الخلاصة:
بدل الانشغال بالفارغة والتحليلات المحبطة، الناس تركز في التحشيد والتعبئة وفضح الداعمين للمليـ ـشيا (). المعسكرات فاتحة أبوابها لكل الشرفاء من أبناء كردفان وغيرها.
الكلام ده ما حيقولوا ليك إلا زول خايف على البلد وواطي الجمرة معاكم. والنار ما بقابلوها إلا بالنار.
يدكم على الشيـ ـر فضلاً🙏
#مدين_ياسر
تعليقات
إرسال تعليق