كي تتمكن من شراء لاب توب مناسب قوي ومتين ويتحمل معك ضغط شغل ويعيش معاك فترة لا تقل عن ٥ سنوات وتزيد ويتناسب مع معظم احتياجاتك ويكون الامثل بالنسبة لك ...
تعالى نشرح الموضوع بكل بساطة وسهولة بدون الخوض في تفاصيل فنية ممله ... كلامنا سوف يكون للعامة وبطريقة سهلة بسيطة ...
الكلام عن الاب توب كتير ليه لان في موديلات وانواع كثيرة ومواصفات اكتر ولكن هنتكلم علشان نعرف مختار الامثل والانسب لي ... واعرف اشتغل عليه كويس واستفيد منه ...
لابد لنا ان نعرف أن هناك عدة معايير نقيم ونحدد ونختار بيها اللاب توب الذي نرغب في شرائه
كي نشتري لاب توب توجد معايير كتير بنقييم عليها اللاب توب الذي نرغب ونتمنى شرائه
لدينا في وجهة نظري الخاصة تقريبا عدد ٧ معايير نقييم عليها اللاب توب الذي ترغب في شرائه :-
■ المعيار الاول نوع ومجال استخدام اللاب توب
وسوف نسهلها ولن نكثر في التصنيفات سوف تقيمها الى 3 كاتوجري او تصنيفات...¤ الفئة الاولى/ لاب توب علشان الانترتيمنت Entertainment الترفيه او الألعاب والبروزنج اوالتصفح على النت .. وطلاب ثانوي واعدادي والكليات النظرية ...
¤ الفئة الثانية / لاب توب خاص بالبزنيس للشخص يشتغل عليه ويعمل عليه الشغل الخاص به وطلاب الجامعات وخاصة هندسة وحاسبات ومعلومات ...
¤ الفئة الثالثة / لابد توب خاص بالجرافيك والناس اللي بتعمل فيديو ايديتنج واينميشن
ارشح لك الماك ولا تتعب نفسك Mac - Apple
■ المعيار الثاني الماركات
فيه مركات كتير من الاخر استبعد كل الماركات الا ال 4 ماركات تلك فقط١/ الماك (ابل مكنتوش) Mac - Apple
2/ لينوفو Lenovo
3/ ال إتش بي HP
4/ الديل Dell
■ المعيار الثالث الوزن
خفة الوزن حاجه مهمة جدااخف واحد حسب ال4 الذين اخترناهم
اول اللينوفو تم الابل ثم إتش بي ثم الديل
■ المعيار الرابع المتانة
الديل ثم الإبل ثم الاتش بي وفي الاخر اللينوفو■ المعيار الخامس قطع الغيار حاجة مهمة جدا
لانك ممكن اللاب تكون دافع فيه مبلغ كبير وتبوظ فيه اي حاجة تحتار وتلف الدنيا كلها علشان تحصلها ممكن متحصلهاشافضل براندين او نوعين متوفر لهم قطع الغيار
الديل والاتش بي وبعدهم التوشيبا
اي قطع غيار ليهم متوفرة بشكل كبير
شاشات مازار بوردات بطاريات
اما بالنسبة لابل لن تجده كثيرا
ولكن للعلم مش هتحتاج اي قطع غيار نهائيا ابل مش بيبوظ بسهولة
وبالنسبة للينوفو ليس متوفر كثيرا مثل ديل واتش بي ولكن وسعرها اعلى شويه من الديل والاتش بي
■ المعيار السادس البطارية
من حيث البطارية ياتي بالمركز الأول لينوفو ثم ابل ثم إتش بي ثم ديل■ المعيار السابع اهم معيار السعر طبعا
تم توزعتها على شرائح كي يتم تناسبها مع إمكانيات كل الناس عل ثلاث شرائح كالآتي:-١/ الشريحة الاولى الأعلى من60 ال 150 الف جنية
٢/ الشريحة الثانية من 30الى 60 الف حنية
٣/ الشريحة الثالثة من15الة 30 الاف حنية
طبعا السعر مرتبط بإمكانيات الجهاز
وبالتالي يجب شرح إمكانيات الجهاز بكل سهولة وبساطة وبدون الدخول في فنيات كثيرة
يحب علينا ان نركز في ٣ حجات يعتبروا اهم ٣ حاجات في الإمكانيات:-
● البروسيسور processor (المعالج)
لازم يكون كويس قوي يكون اي i7 سفن او i5 اي فيف لو كلية هندسة او حاسبات ومعلومات او علشان الشغل والبيزنس وخاصة لو شغال في مجال البرمجة (المجال الثاني بالمعايير الاول)اما لو طالب كلية نظرية او ثانوي او اعدادي
(المجال الاول بالمعايير الاول) i5 او i3
اما بالنسبة (الكاش) الذاكرة المخبئية (Cache Memory)يجب الا تقل عن ٥ الكاش الخاصة الكاش يفضل أن تكون ٤ او ٦ هيبقى رائع جدا هيكون قوي جدا وذلك لو كنت (المجال الثاني بالمعايير الاول)
والكاش ٢ او ٣ لو كنت من مجال (المجال الاول بالمعايير الاول)
● الرام Ram (الذاكرة)
الرام تلك الذي سوف ستساعدك انك تفتح برامج كتير او تشغل حجات كتير من غير جهازك ما يتأثراهتم ان الرامه متقلش عن ٨ جيجا لو جبت ١٦ يبقى تمام جدا لو ٢٠ يبقى رائع جدا لو كنت (المجال الثاني بالمعايير الاول) و٨ جيجا كويس جدا لو كنت في (المجال الاول بالمعايير الاول)
● الهارد ديسك Hard Disk
لن يفرق معاك كثيرا لو كان الهارد ديسك كبير او صغير مش هتفرق كتير الهارد ممكن بتغيير والرمات ممكن تتغير ايضااما الحاجة الوحيدة اللي مش ممكن يتغير هي البروسيسور ولذلك اهم حاجة لابد ان نهتم بيها في الإمكانيات ...
ويفضل لو تختار هارد ديسك SSD اس اس دي للحهاز ومعاك الهارد العادي كمان تخزن عليها ...
لان الهارد SSD اس اس دي هذا سوف يفرق معاك في سرعة الجهاز الخاص بك .
فيه أنواع داخل الماركات ال 4 ماركات هي المفضلة والافضل:
● في الماك (ابل مكنتوش) Mac - Appleاصدرت شركة ابل 3 انواع منها وهي
1- ابل ماك بوك MacBook وهو متوسط
2- ابل ماك بوك آير MacBook ِِAir اعلى وانحف
3- ابل ماك بوك برو MacBook Pro وهو الأعلى والأقوى والافضل وهنأ تختار ما يناسبك
● في لينوفو Lenovo
ياريت نختار اللينوفو ال ThinkPad
● في ال إتش بي HP
ياريت نختار ال ZBook هو الافضل والاعلى وممكن بعده يأتي ال ProBook
● قي الديل Dell
ياريت نختار ال precision افضل لان اللاب بيدعم جميع البرامج الهندسية والاوتوكاد والجرافيك بكل اصداراتها وال Latitude يجي بعده لو كان المستخدم من الفئة الأولى بالمعايير الاول
اسف على الاطالة حاولت اختصر قدر الامكان وابتعد عن الكلام الفني من اجل الجميع ..
قبل ما انهي احب اوضح يا جماعة مفيش مشكله من شراء لاب توب مستعمل ... الناس كلها على مستوى العالم والشركات الكبيرة المحترمة بتعرض لاب توب مستعمله ... ثقافة شراء المستعان بمصر والدول العربية لازم تتغيير ...
للعلم تلك وجهة نظري الخاصة وممكن اي شخص يتفق او يختلف مفيش مشكلة ...
اتمنى ان اكون قدمت شي مفيد للجميع
وافر التحية والتقدير والاحترام لكم جميعا
تعليقات
إرسال تعليق