القائمة الرئيسية

الصفحات


بسم الله الرحمن الرحيم
انت  خريج/ه في سنة رابعة ماعارف مستقبلك ماشي علي وين يلا في مجموعة من الحاجات لزم تعرفها او تعرفيها يلا اقرا البوست دا كويس وتاقي زول الخريج
أولا: لزم تتخرج بتقدير ممتاز أو جيد جدا  وفي اسواء الاحوال اتخرج جيدا ام مقبول ي زول اكسر الحنك ساي
لي ان بقول كده طيب فكر معي انت مشي تقدم في وظيفية صحاب العمل او الشركة لي يختارو الزول الجاب جيدا او مقبول ويخلو الزول المتخرج بي ممتاز او جيدا جدا
الجواب بسيط هم محتجين زول شاطر مجتهد في مستقبلو ونجاح لو ما بقيت مجتهد في الجامعة  ح تجهتد في الشغل يعني.
ملاحظة :
 صح اي في ظروف وكده لكن صحاب العمل او الشركة ماعندها علاقة بي الكلام دا  هم عندو الورق (السيرة الذاتيه والشهادات والخبرة)
يلا نجي الحاجة التانيه:
ثانيا: لزم تتخرج وانت عارف انك قريت شنو يعني فهم الكلام النظري والتطبيقي الي اخذه في 4 ولا 5 سنة


نضرب مثل:
ناس الحاسوب وناس المجال الطبي ديل اكثر ناس محتاجين يطور نفسهم  بسبب انو مجالهم كل يوم مطور + انهم مجال تطبيقي اكثر من النظري ويل قيس علي نفسك وعلي تخصصك
ثالثا:
نجي لي الكورسات  , اسا حاليا لمن تقدم في اي وظيفية اهم شرطين الانجلييزي والحاسوب لانو طبعا شغلنا بقه كلو علي الحاسوب + الانجليزي تحدث وكتابا في معاهد كثير  ما شاء الله عليها بدون ما أذكر اسم معهد عشان ما يكون اعلان ليهو ههههههه.
يلا ديل كورسات عامة نجي لي الكورسات الخاصة بكل تخصص نضرب مثل:
إدارة اعمال....الخ عندهم MPA
تخصص حاسوب  رخصة قيادة الحاسب الالي
ويلا شوف انت تخصصك شنو ولزم تقراء اي كورس
يلا نجي لي الناس البقول ياخ الكورسات ديل غاليه ونحن لسه خرجين ومفالسين وما عندنا قرش
الموضوع ما خطير الحل في ان شاء الله  في مواقع كثير بتقدم كورسات اون لاين وبي شهادات عالمية معتمد من جامعات ومعاهد  عالمية يلا ح اذكرها في بوست منفرد ان شاء الله
اووو نسيت نقطة مهمة تخصص  ناس التسويق والادارة .....الخ لزم تتطلع رخصة قيادة لانها بقت شرط اساسي
يلا نجي لي اخواتنا بي الخصوص في شرط في الوظيفية اسمو حسنة المظهر ههههههههههه
اعملي نيامه والبسي محترم واتوكلي علي الله والرزاق الله اعملي العليكي والباق علي الله
لانو لي الاسف في ناس تافه ما عايز موظفة عايز بنت مزه تكون معهم ويلا في الحالة دي عدم الوظيفية احسن
رابعا:
الخبرة دا الهوس حق كل وظيفية  ليييي ؟
بسبب انو صحاب العمل او الشركة لي تجيب موظف او موظفة ي داب متخرج  ويتعب لحدي ما يتعلم ويتدرب ويغلط وكلام كثير  لذلك يبحث عن موظف جاهز وعندو خبرة عشان يقلل الجرجرة الطويل دي
ملاحظة :
في اصجاب العمل يطلبو شرط في العمل حديث التخريج 2018 او 2017 لي طبعا ما عشان سواد عيونك هههههههههه عشان راتبك يكون مناسب معهم+ انو الشغل ما صعب ممكن تتعلم في اسبوع وكده توفر علي صحاب العمل نفقات وقروش ساي لانو ح يدك كم 3 او 4 او 5 الف بينما الزول الي عندو خبرة ح يدي 10 ولا اكثر شغل حسابات ي عمك
حاول قدر الامكان انزل ترنيق في اي موسسة في مجال تخصصك او اثناء الخدمة الوطنية وما تعمل خدمة وطنية في مؤسسة او مجال ماعندك علاقة فيهو.
يلا في بعض الوظائف ما شرط اساسي الخدمة الوطينية
لو لقيت ليك وظيفية ثانويه اشتغل ما حنك لكن ما تنسي  انو الخبرة دي بداية الطريق الي الحصول علي وظيفية محترمة.
ملاحظة مهم جدا:
انت زول خريج عمرك 22 او 23 سنة ما تتضيع نفسك في حاجات فرغة وكده اجتهد لانو العمر ماشي وانت وانتي بتشوف كل الوظائف بيطلوب من عمر 25 لحدي 30 .


حدد خطتك المستقبيلة  وانت عايز شنو في الحياة القصير دي
وتلفونك دا ما تضيع وقت فيهو كثير فيس واتس وكده فتش بهيو  علي شغل في القروبات وكده وتوكل علي الله واكثرو من الاستغفار والصلاة علي النبي
ح يكون ان شاء الله في الايامت الجايه بوست بوضح الانتر فيهو (مقابلة العمل) وتحديدات الحصول علي عمل.
مع السلامة في امان الله




reaction:

تعليقات