الاستعلام عن طلب مساعدة قطر الخيرية في السودان

بسم الله الرحمن الرحيم
جيت اليوم بموضوع مهم جدا جدا
كل الوظائف المتوفرة في سوق العمل بيكون التقديم عليها عن طريق الاميل يعني ترسال السيرة الذاتيه (cv) علي بريدهم الألكتروني  ودي مشكلة لي أغلبية الناس ويلا في نوعين من الناس:
1- النوع الأول: من الناس عندو أميل لكن ما بيعرف كيف يرسال صح يعني عنوان الرسالة ما بيكتبو او السيرة الذاتيه ما تكون pdf   أو اي خطا تاني
2- النوع الثاني : من الناس ما بيكون عنده أميل أصلنا ، بيعرف يقدم عن طريق الورق بيمشي بورقه الي مكان المعيانه لكن المشكلة وين أغلبيه الوظائف بقه التقديم عليها عن طريق الأميل أها الزول دا يسوي شنو يكسر حنك الوظيفية او يمشي أي محل أنترنت يعمل ليه  حساب  وبعد الحساب يعمل ليهو سيرة ذاتيه وبعده بيرسال ليه والحاجة دي مكلفة في أولاد حلال بيشلو من الناس حاجة رمزية  لكن لي لاسف في ناس عكس كده ودي مكلفة لكل الناس .


يلا أول درس اليوم نتعلم كيفيه أنشاء حساب في الأميل (gmail)
او شي ندخل علي موقع gmail عن طريق هذا الرابط
https://mail.google.com/

نختار انشاء حساب جديد
1- تكتب اسمك الأول (mohammed)
2- تكيب اسمك الثاني طبعا بي الانجليزي مثال (yousif)
3- تختار اسم المستخدم ودي أهم شي خاصة الي البنات ما تختاري توتو وفوفو والكلام دا ههههههه مثال(mohyousif@gmail.com)
4- بعده تعمل كلمة المرور  ارقام وحروف
5- تعمل تأكيد كلمة المرور (يعني تعيد كتابه الكلمه زاتها)
6- تاريخ ميلادك اليوم والشهر والتاريخ


7- بعد تختار الجنس ذكر أو انثي
8- تضغط علامة صح اوافق علي هذه الشروط
بعده تختار موافق

وبعد تجيك صفحة بتطلب منك كتابه رقم الهاتف عشان تاكد حسابك ويرسال فيهو كود
وكده مبروك عليك

كده حسابك انتهاه
تاني تدخل علي الحساب عن طريق اسم المستخدم وكلمة المرور
ذي ما موضح في الصورة دي

 وتضغط تسجيل الدخول

طيب اسا نجي كيف ارسال السيرة الذاتيه عن طريق الاميل

اول خانة دي فيها اسم المستخد حقك

الخانه التانيه تكتب فيها اسم الحساب الي عايز ترسال فيهو السيرة الذاتيه
الموضوع دا بتكتب فيهو عنوان الموضوع علي حسب توجه صاحب العمل مثال( موظفة، محاسب، استاذ.....)
أنشاء رساله   الكترونيه ي تكتب فيها علي حسب اسلوبك  مثال:
ابدأ بكتابة السيد، وذكر الاسم. 
بناءً على إعلانكم  عن وجود شاغر لفني مختبر، 
أود التقدم للوظيفة، وأنا على استعداد لإجراء مقابلة شخصيّة، وبناءً على ذلك أُرفق السيرة الذاتيّة الخاصة بي. الرجاء فتح الملف المرفق.
 الشكر  ورقم الهاتف للتواصل معك.
ما تنسي في علامة مشبك فوق دي بتدرج فيها السيرة الذاتيه وبعد تضغط ارسال

وتقريبا كده خلصنا من عمل حساب وان شاء الله الدرس التاني يكون كيف عمل سيرة ذاتيه احترافيه ومعاه امثله ومعاه مفاجاة ان شاء الله سيرة احترافيه هدايه من موقع دليل التدريب والتوظيف