كيفية الحصول علي المنحة التركية


للناس البتسأل من المنحةالتركية اقرو البوست دي كويس حيكون فيهو كل الشي المحتاجين تعرفوهو عن المنح والدراسة في تركيا وللعلم التقديم مجااان وبرابط ح انزلو ليكم عشان مايجي زول يقول ليكم عندنا وكالة واي زول بقدر يقدم ويملأ فورم التقديم يعني خطواته ساهلة
بسم الله نبدأ:-
1/المنحة التركية منحة شااااملة بتغطي كافة التكاليف إبتداء"من تذاكر الطيران لكن بدوك تذكرتين طيلة فترة المنحة ذهاب ولما تخلص بدوك الإياب لكن ممكن من المصروف الواحد يقدر يوفر تذكرة لو حابي يجي في الإجازة
_المصروف الشهري البدوهو لصاحب المنحة 700ليرةتركية للبكالريوس 950 للماجستير 1400للدكتوراة 3000 للبحوث
 العلمية
السكن داخلية لصاحب المنحة فقط يعني ماف حاجة اسمها اولادك يسكنوهم ليك في السكن انترنت عاملة نضافة وطباخة
_ تأمين صحي والمواصلات بدوك كرت طالب بنصف القيمة مواصلاتهم ماغالية
شروط المنحة  والشهادات البطلبوها


للبكالريوس شهادة الثانوي مااقل من 70 ولناس الطب والكليات العلمية مااقل من 90% والعمر لايتعدي 21 سنة
الماجستير شهادة البكالريوس التقدير مايقل عن 75% وشهادة التفاصيل والعمر لايتعدي 30 سنة
الدكتوراة شهادة البكالريوس والماجستير والعمر لايتعدي 35 عام
جواز ساري او اثبات شخصية رقم قومي
بعض الجامعات البتدرس باالانجليزية بطلبو شهادات توفل وايليتس
في حالة انو في ناس مااستلمو شهاداتهم من جامعاتهم ممكن يقدمو بي شهادة قيد موثقة لحين استخراج شهاداتهم
 كل الطلاب ببدو بدراسة اللغة التركية في اول سنة حتي لوكانوا بدرسو باللغة الانجليزية
التقديم ببدأ شهر يناير وبنتهي في مارس
دا الرابط :

https://tbbs.turkiyeburslari.gov.tr/
موفقين ان شاءالله

جديد قسم : منح مجانية للسودانيين

إرسال تعليق